Xongkongluqlar xitay hökümiti xongkongda bashlimaqchi bolghan “Wetenperwerlik terbiyisi” ge naraziliq bildürdi

Melum bolushiche, da'iriler xongkongdiki bezi mekteplerning bu yilliq oqush mewsumidin bashlap “Wetenperwerlik terbiyisi” dersini ixtiyari oqutsa bolidighanliqini, emma mezkur derslikining 2016 - yilidin bashlap mejburiy yolgha qoyulidighanliqini qarar qilghan. Bu nurghunlighan xongkongluqlarning naraziliqini qozghighan.

Shenbe kündiki namayishqa oqughuchi we ata - anilar bolup 40 ming etrapida adem qatnashqan bolup, namayishchilar xongkong rayonluq hökümet binasi aldigha yighilip naraziliq bildürgen.

Xongkongda yolgha qoyulidighan atalmish “Wetenperwerlik terbiyisi” ge qarshi bu yil iyulda 90 ming kishilik naraziliq namayishi élip bérilghan idi.

Yerlik axbaratlarning melumatigha qarighanda, xongkongdiki köpinche mektepler bu oqush mewsumida “Wetenperwerlik terbiyisi” derslikini tesis qilmaydighanliqini bildürgen.