Höseyin jélilning a'ilisidikiler uni türmide yoqlash pursitige ige boldi

Xitay hökümiti teripidin muddetsiz qamaq jazasigha höküm qilin'ghan kanada puqrasi höseyin jélilning a'ilisidikilerning radi'omizgha bildürüshiche, ötken heptide xitay da'iriliri höseyin jélilning 75 yashqa kirgen anisi salixan bilen achisi xeyrigülge höseyin jélilni yoqlash pursiti bergen.
Muxbirimiz gülchéhre
2008.10.14

Höseyin jélil üch yildin buyan a'ilisidikiliri bilen uchrashturulmighan idi. Bu qétimqi körüshüshte höseyin jélilning a'ilisidikiliri bilen qilishqan gep ‏ - sözliri yanfon arqiliq xatiriliwélin'ghan bolup, bu höseyin jélilning xitay teripidin tutulghandin kéyinki tunji awaz xatirisining sirtqa chiqishi bolup hésablinidu.

Kanada da'iriliri ilgiri köp qétim xitaydin höseyin jélil bilen körüshtürüshni telep qilghan bolsimu, ret qilinip kelgen idi. Bu yil 39 yashqa kirgen kanada puqrasi höseyin jélil, xitay hökümiti teripidin térror tizimlikige kirgüzülüp 2006 - yili özbékistanning tutup bérishi bilen xitayda muddetsiz qamaqqa élin'ghan idi.

Höseyin jélil gerche kanada puqraliqigha ötüp bolghan bolsimu, xitay da'iriliri uning qosh dölet puqraliqini étrap qilmay kelmekte. Höseyin jélil a'ilisidikilirining bildürüshiche, höseyin jélil türmige élin'ghandin kéyin salametliki barghanche nacharlawatqan bolsimu, uninggha dawalinish pursiti bérilmigen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.