ھۈسنى مۇبارەك 3-ئاۋغۇست قاھىرەدە سوتقا تارتىلىدۇ

مىسىر دائىرىلىرى بۈگۈن تەختتىن ئۆرۈۋېتىلگەن سابىق پرېزىدېنت ھۈسنى مۇبارەكنىڭ سوت كۈنىنىڭ بەلگىلەنگەنلىكىنى ئېلان قىلدى.
مۇخبىرىمىز ئىرادە
2011-07-28
Share

ب ب س نىڭ خەۋەر قىلىشىچە، مىسىردا يۈز بەرگەن خەلق ھەرىكەتلىرىدىن كېيىن ئىستېپا بېرىشكە مەجبۇر بولغان ھۈسنى مۇبارەك 3-ئاۋغۇست كۈنى قاھىرەدە سوتقا چىقىدىكەن. مىسىر سەھىيە مىنىستىرى ھۈسنى مۇبارەكنىڭ سالامەتلىك ئەھۋالىنىڭ قاھىرەدە سوتقا چىقىشقا يار بېرىدىغانلىقىنى ئېيتقان.

ھۈسنى مۇبارەك شام ئەل شەيىختىكى بىر دوختۇرخانىدا نەزەربەند ئاستىدا داۋالىنىۋاتقان ئىدى. ئىلگىرى، بۇ يىل 83 ياشتا بولغان ھۈسنى مۇبارەكنىڭ تەن-سالامەتلىكىنىڭ ناچارلىقى ھەققىدە خەۋەرلەر تارقالغان بولسىمۇ، ئەمما ئىسيانچىلار ھۈسنى مۇبارەكنىڭ جازادىن قېچىپ كېسەلمەن بولۇۋالغانلىقىنى ئىلگىرى سۈرۈشكەن.

ھۈسنى مۇبارەكنىڭ تەختتىن چۈشۈشىنى تەلەپ قىلىپ يۈز بەرگەن شۇ قېتىملىق خەلق ھەرىكىتىدە 840 تىن ئارتۇق كىشى ھاياتىدىن ئايرىلغان ئىدى. ھۈسنى مۇبارەك بولسا ۋەقەدە نامايىشچى ئاممىنى ئۆلتۈرۈش بۇيرۇقى چىقىرىش بىلەن ئەيىبلەنمەكتە.

ئىگىلىنىشىچە، 3-ئاۋغۇست كۈنى ئېچىلىدىغان سوتتا ھۈسنى مۇبارەك ۋە ئۇنىڭ جامال ۋە ئەلا ئىسىملىك ئىككى ئوغلى شۇنداقلا بىر قانچە سابىق مىنىستىرلار جاۋابكارلىققا تارتىلىدىكەن.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت