Һүсни мубарәк 3-авғуст қаһирәдә сотқа тартилиду

Мисир даирилири бүгүн тәхттин өрүветилгән сабиқ президент һүсни мубарәкниң сот күниниң бәлгиләнгәнликини елан қилди.
Мухбиримиз ирадә
2011.07.28

Б б с ниң хәвәр қилишичә, мисирда йүз бәргән хәлқ һәрикәтлиридин кейин истепа беришкә мәҗбур болған һүсни мубарәк 3-авғуст күни қаһирәдә сотқа чиқидикән. Мисир сәһийә министири һүсни мубарәкниң саламәтлик әһвалиниң қаһирәдә сотқа чиқишқа яр беридиғанлиқини ейтқан.

Һүсни мубарәк шам әл шәйихтики бир дохтурханида нәзәрбәнд астида давалиниватқан иди. Илгири, бу йил 83 яшта болған һүсни мубарәкниң тән-саламәтликиниң начарлиқи һәққидә хәвәрләр тарқалған болсиму, әмма исянчилар һүсни мубарәкниң җазадин қечип кесәлмән болувалғанлиқини илгири сүрүшкән.

Һүсни мубарәкниң тәхттин чүшүшини тәләп қилип йүз бәргән шу қетимлиқ хәлқ һәрикитидә 840 тин артуқ киши һаятидин айрилған иди. Һүсни мубарәк болса вәқәдә намайишчи аммини өлтүрүш буйруқи чиқириш билән әйибләнмәктә.

Игилинишичә, 3-авғуст күни ечилидиған сотта һүсни мубарәк вә униң җамал вә әла исимлик икки оғли шундақла бир қанчә сабиқ министирлар җавабкарлиққа тартилидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.