Xitay sehiye da'iriliri ölüm ijra qilin'ghan mehbuslarning ichki ezalirini köchürüshke cheklime qoyidighanliqini bildürdi

Xitay axbarat wasitilirining xewer qilishiche, xitay sehiye da'iriliri ölüm jazasi bérilip ijra qilin'ghan mehbuslarning ichki ezalirini köchürüshke cheklime qoyup, qaza qilghan kishilerning ichki ezalirini i'ane qilish sistémisigha köchidighanliqi, bu sistémining kelgüsi 5 yil ichide yolgha qoyulidighanliqini bildürgen.
Muxbirimiz erkin
2012.03.23

Xitay ichki organ etkeschiliki eng ronaq tapqan döletlerning biridur. Xelq'ara kishilik hoquq we chet'eldiki xitay öktichi guruhlar xitay sehiye tarmaqlirining bilen teptish orgini bilen til biriktürüp, ölüm jazasigha buyrulghan mehbuslarning ichki ezalirini éliwétip, ichki ezalirini yenggüshleshke éhtiyajliq puldar bimarlargha köchürüsh arqiliq ghayet zor payda tépiwatqanliqi, bu jeryanda mehbuslarning we a'ile tawabi'atining hoquqigha éghir buzghunchiliq qiliwatqanliqini otturigha qoyup kelgen.

Xitay mu'awin sehiye ministiri xu'ang jyéfu shinxu'a agéntliqigha eskertip, “Junggo... 3 Yildin 5 yilghiche bolghan waqit ichide mehbuslarning ichki ezalirini élishtin ibaret binormal usulni pütünley bikar qilidu” dégen. Biraq u, sehiye tarmaqlirining teptish orgini bilen til biriktürüwalidighan ehwalgha qandaq xatime béridighanliqini tilgha almighan.

Xitay hökümiti 2007‏-yildin bashlap ichki ezalar sodisini cheklep, i'ane tüzümini yolgha qoyghan bolsimu, biraq xitay dunyadiki ichki ezalar etkeschiliki eng ronaq tapqan dölet bolushtek ehwalda héchqandaq özgirish bolmighan idi.

Perez qilinishiche, xitayda her yili bir milyon 500 ming bimar ichki ezasini köchürüshke éhtiyajliq bolsimu, biraq aran 10 ming buninggha muweppeq bolalaydiken. Közetküchiler, bu ehwal ichki ezalar etkeschilikining ronaq tépishigha türtke boluwatqanliqini bildürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.