پەيزىۋات ناھىيىسىدىن 3 يىلدا 19 مىڭ ياش خىتاي ئۆلكىلىرىگە يۆتكەلدى
ﻣﯘﺧﺒﯩﺮﯨﻤﯩﺰ ﺟﯜﻣﻪ
2009.08.12
2009.08.12
خىتاي ھۆكۈمىتى 2004 - يىلىدىن باشلاپ ئۇيغۇر ئېلدە ئەمگەك كۈچلىرىنى سىرتلارغا يۆتكەش سىياسىتىنى يولغا قويغان ئىدى. خىتاينىڭ بۇ سىياسىتى ئاساسلىق ئۇيغۇر ياش قىزلىرىنى خىتاي ئۆلكىلىرىگە يۆتكەشكە قارىتىلغان بولۇپ، ئۇيغۇرلار ئارىسىدا قاتتىق نارازىلىق قوزغىغان.
بۇ يىل 26 - ئىيۇندىكى شاۋگۇەن ۋەقەسى ۋە مەزكۇر ۋەقەدە بىگۇناھ ئۇيغۇر ياشلىرىنىڭ خىتايلار تەرىپىدىن ئۇرۇپ ئۆلتۈرۈلۈشى، خىتاينىڭ مەجبۇرىي يوسۇندا يۈرگۈزۈۋاتقان "ئەمگەك كۈچلىرىنى سىرتلارغا يۆتكەش" سىياسىتىنىڭ مەھسۇلى ئىدى.
خىتاي ھۆكۈمىتى 26 - ئىيۇن شاۋگۇەن قانلىق ۋەقەسىنى ئادىل بىر تەرەپ قىلماي، ۋەقەنىڭ ھەقىقىي ماھىيىتىنى جامائەتتىن يوشۇرغاندىن كېيىن، 5 - ئىيۇل ئۈرۈمچىدە ئۇيغۇر ياشلىرى ئادالەت تەلەپ قىلىپ نامايىش قىلغان ئىدى.
ھالبۇكى خىتاي ھۆكۈمىتى، ئۇيغۇر ياشلارنىڭ تەلەپلىرىگە جاۋاب بېرىشنىڭ ئورنىغا، نامايىشچى ياشلارنى ئوققا تۇتقان ۋە قانلىق باستۇرغان ئىدى.