Икки корейә йәнә зәмбирәк етишти

Бирләшмә агентлиқиниң сиолдин баян қилишичә, 8‏-айниң 10-күни икки корейә бир-биригә зәмбирәк етишти. Бу, шималий корейә 2010‏-йили 11‏-айда җәнубий корийиниң йонпиоң арилиға зәмбирәк етип 4 адәмни өлтүрүп, 20 адәмни яриландуруп, икки корейә оттурисида пәйда қилған җиддийликтин кейинки йәнә бир қетимлиқ җиддийлик болуп һесаблиниду.
Мухбиримиз вәли
2011-08-10
Share

Җәнубий корейә дөләт мудапиә министирлиқиниң ейтишичә, шималий корейә бүгүн чүштин кейин саәт 1 дә, җәнубий корийиниң йонпиоң арилиға қаритип үч пай зәмбирәк атқан.

Җәнубий корийиму униңға җавабән үч пай зәмбирәк атқан. Һәр икки тәрәп атқан оқ деңизға чүшкән, қайси бир аралниң адәм яки мүлки зиянға учримиған. Әмма буниңдики мәсилә шуки, шималий корийиниң зәмбирәк оқи икки корейә оттурисидики чегра сизиқидин һалқип өткән.

Корейә уруши 1953‏-йили аяғлашқанда, б д т икки корейә оттурисидики деңизда чегра сизиқи бәлгилигән иди. Бу сизиқ гәрчә икки корейә имза қойған чегра сизиқи болмисиму, әмма бу сизиқ йиллардин буян икки корейә оттурисида тинчлиқ сақлашта муһим рол ойнап кәлмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт