Ikki koréye yene zembirek étishti

Birleshme agéntliqining si'oldin bayan qilishiche, 8‏-ayning 10-küni ikki koréye bir-birige zembirek étishti. Bu, shimaliy koréye 2010‏-yili 11‏-ayda jenubiy koriyining y'onpi'ong ariligha zembirek étip 4 ademni öltürüp, 20 ademni yarilandurup, ikki koréye otturisida peyda qilghan jiddiyliktin kéyinki yene bir qétimliq jiddiylik bolup hésablinidu.
Muxbirimiz weli
2011.08.10

Jenubiy koréye dölet mudapi'e ministirliqining éytishiche, shimaliy koréye bügün chüshtin kéyin sa'et 1 de, jenubiy koriyining y'onpi'ong ariligha qaritip üch pay zembirek atqan.

Jenubiy koriyimu uninggha jawaben üch pay zembirek atqan. Her ikki terep atqan oq déngizgha chüshken, qaysi bir aralning adem yaki mülki ziyan'gha uchrimighan. Emma buningdiki mesile shuki, shimaliy koriyining zembirek oqi ikki koréye otturisidiki chégra siziqidin halqip ötken.

Koréye urushi 1953‏-yili ayaghlashqanda, b d t ikki koréye otturisidiki déngizda chégra siziqi belgiligen idi. Bu siziq gerche ikki koréye imza qoyghan chégra siziqi bolmisimu, emma bu siziq yillardin buyan ikki koréye otturisida tinchliq saqlashta muhim rol oynap kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.