Ikki koriyining herbiy qisimliri bügün jidiy halette turuwatidu

Tünügün jenuby koriye bilen shimaliy koriye herbiy paraxotliri, koriye déngizidiki talash- tartishtiki rayonda, bir -birini siziqtin ötöp ketti dep eyiblep, toqunushup, öz-ara ikki minut étishqan idi.
Muxbirimiz weli
2009-11-11
Share

Bu weqe, ikki koriye otturisida yette yildin buyan yüz bergen tunji qétimliq toqunush bolup hésablinidu. Merkizi agéntliqining bayan qilishiche, shimaliy koriye terepning xitay hediye qilghan bir saqchi paraxoti zexmilen'gen we bir ofitsérige oq tégip ölgendin kéyin chékin'gen. Jenubiy koriye terep héchqandaq zexmige uchrimighan.

B b s ning bayan qilishiche, ikki koriye otturisida yüz bergen bu herbiy toqunush, amérika prézidénti obama jenubiy koriyini ziyaret qilish aldida turghan bir waqitqa toghra keldi. Weqe yüz bérip bir nechche sa'ettin kéyin, amérika tashqi ishlar minisitirliqi shimaliy koriyige pewqul'adde elchi ewetip, yil axirida washin'gton bilen pényong otturisida tunji qétim biwaste söhbet ötküzüsh teshebbusini otturigha qoydi.

Xewerde éytilishiche, gerche bügün shimaliy koriyining öch alidighanliqidin héchqandaq shepe bolmisimu, emma ikki koriyining herbiy qisimliri yenila yuqiri derijilik jiddiy halette turmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.