Amérikida 2 neper xitay qanunsiz éksport qilish jinayiti bilen qolgha élindi

Birleshme agéntliqining xewer qilishiche, qolgha élin'ghan ikki xitay er - ayal bolup, er yü'en chang amérika puqrasi, ayali, liping xu'ang xitay puqrasi iken.

Bularning her ikkilisi "“shérikliship éksport qilish aldamchiliqi"ni pilanlash“ jinayiti bilen bu hepte qolgha élin'ghan. Eger ularning jinayiti delillense 20 yilliq qamaq jazasigha höküm qilinishi mumkin iken.

Melum bolushiche, bu ikkiylen bir téxnologiye shirkitining xojayinliri bolup, ular, amérika dölet xewpsizlikini közde tutup xitaygha éksport qilinishi cheklen'gen, üzlüksiz éléktir signallirini mexpiy shifirgha aylandurudighan bir yuqiri téxnikiliq eswabni xitaygha qanunsiz éksport qilmaqchi bolghan.

Bu xildiki uchur we höjjetler mezkur gumandarlarning kompyutéridin tépilghan.

Halbuki, xitay gumandarlarning adwokati jon handzlik, mezkurlarning bu üskünini xitaygha éksport qilish niyiti yoqluqini emma öz shirkitide özgertip yasap, amérikida sétishni pilan qilghanliqini bildürgen.
 
Bular ustidin bu yil 1 - noyabir sot échilidiken.