Или вадисида ташқин апити көрүлмәктә
Мухбиримиз вәли
2010.02.24
2010.02.24
Или қазақ аптоном областиниң хәлқ ишлар идариси 23 - феврал күни елан қилған мәлуматқа қариғанда, йеқинқи бир нәччә күн ичидә или вадисида йүз бәргән ташқин апитидә 3 миңдин артуқ өй өрүлгән, 5 миң туяқ чарва өлгән, 70 миңдин артуқ адәм иқтисадий зиянға учриған. Омуми иқтисадий зиян 1 милярд йүәндин ашиду.
Мәзкур хәлқ ишлар идарисиниң бүгүн елан қилған мәлуматиға қариғанда, түнүгүн кәчтә нилқида шиддәтлик қар көчүш йүз берип, төмүркан ишчилиридин 13и қар астида қалған, 4 адәм из - дерәксиз йоқалғандин кейин, областтин қутқузуш әтрити әвәтилгән.