Махмуд әхмәдиниҗат қазақистанни зиярәт қилиду
"Қазтаг" агентлиқиниң хәвәр қилишичә, әхмәди ниҗат билән назарбайев икки дөләт һәмкарлиқ мунасивәтлири һәққидә сөһбәтләр елип бериш билән бир қатар келишимләрни имзалайду.
Қазақистан ташқи ишлар министирликиниң баянатчиси әрҗан ашикбайевниң ашкарилишичә, икки президент икки дөләт арисидики сиясий, сода - иқтисад вә мәдәнийәт қатарлиқ көп саһәләр бойичә алақиларни күчәйтиш һәққидә сөһбәтлишиду шуниңдәк район вә хәлқара характерлиқ бир қатар мәсилиләр һәққидә пикир алмаштуруду.
Нөвәттә, иран билән қазақистанниң сода һәмкарлиқи йилдин йилға ашқан болуп, сода миқдари бәш йил ичидә дәсләпки 400 милйон доллардин 2 милярд 990 милйон долларлиқ сәвийигә йәткән. Қазақистан иранға асасән нефит хам әшяси вә тәбиий газ чиқириду. Иран қазақистанниң өз мәһсулатлирини дуня базириға чиқиришидики муһим өткәллик ролини ойнайдикән.
Махмуд әхмәди ниҗат зиярәт җәрянида гумилев намидики явро - асия университетида нуқут сөзләйдикән. Һазир иранниң оттура асия дөләтлири билән болған мунасивәтлирини күчәйтишкә әһмийәт бериватқанлиқи мәлум .
- Нури түркәл: “мениң комиссарлиқ хизмитим болсун вә яки һазирқи рәислик хизмитим болсун һәммиси асаслиқ уйғурларниң хизмитини қилишни мәркәз қилған”
- Америка уйғур академийәсиниң 3-нөвәтлик сайлимида алдинқи хизмәтләр хуласилинип йеңи пиланлар оттуриға қоюлди
- Бәхтияр бөрә: “мән уйғур, мән террорчи әмәс, ирқий қирғинчилиқни тохтат”
- Дуня мусапирлар күнидә уйғур мусапирлирини канадаға йәрләштүрүш һәққидә тәклип лайиһәси сунулди
- Б д т ниң ички қисмидики нишаниға мухалип қилмишлири вә уйғур мәсилиси
