Iran da'iriliri shenbe küni yadro mesiliside gherb ellirige ultimatum tapshurdi

Amérika awazida neqil qilinishiche, iran tashqi ishlar ministiri manochéhr mottaki iranning yadro mesiliside "xelq'ara jem'iyetning peqet qarar chiqiridighan bir ay waqti bar" liqini ilgiri sürdi we " bu bir ultimatum" dédi.

Iran 31 - dékabir birleshken döletler teshkilati otturigha qoyghan hel qilish kélishimni ret qilghan bolsimu, emma iranda qoyuldurulghan töwen derijilik uranni yadro énérgiyisi yéqilghusigha tégishishni xalaydighanliqini bildürgen idi.

Iran da'iriliri yadro énérgiyisi uchun uran qoyuldurushqa bashlighanliqini ashkarilighandin kéyin, birleshken döletler teshkilati iranni mezkur pilanidin waz kéchishini köp qétim dewet qilghan we iran'gha qarita üch türlük émbargo qoyghan idi.

B d t iran qoyuldurghan töwen derijilik uranlarning hemmisini toshup chiqip kétip, fransiye we rusiye da'irilirining qoyuldurushigha tapshurush, we yéqilghuni iran tupriqida almashturmasliq telipini qoyghan. Iran b d t ning bu teleplirige qoshulmighan we yadro yéqilghusini peqet türkiye tupriqida almashturush pikrini tonushturghan.

B d t eger iran bu teleplerge qoshulmisa iran'gha yene émbargo qoyidighanliqini körsetken.

Iran özi qoyulduruwatqan uranlarning peqet xelq turmushini qamdaydighan yadro énérgiyini uchun ishlitidighanliqini ilgiri sürgen bolsimu, emma amérika we isra'iliye qatarliq döletler iranning atom bombisi yashash gherizi barliqini otturigha qoyup iranni uran qoyuldurush pilanini bikar qilishqa qistap kelmekte.