Теһранда намайишчилар бастурулди

Иран ислам инқилаби муһапизәтчилириниң агаһландурушиға қаримай, дүшәнбә күни теһран шәһәр мәркизидики һафт-етир мәйданиға йиғилип, намайиш қилған сани тәхминән 1000 әтрапидики намайишчи амма иран сақчи қисими вә ислами пидаийлар әтириниң һуҗумиға учрап, мәҗбурий тарқитивитилди.
Мухбиримиз әркин
2009.06.22
Share on WhatsApp
Share on WhatsApp

Вәқәни өз көзи билән көргүчиләр сақчи вә ислам пидаийлириниң намайишчиларға яш аққузуш бомбиси атқанлиқини вә вә оқ чиқарғанлиқини билдүргән.

Иран дөләт радиоси теһрандики коча намайишида шәнбә күни аз дегәндә 457 нәпәр кишиниң тутқун қилинғанлиқини елан қилип, 10 кишиниң өлгәнликини билдүргән иди. Буниң билән һөкүмәт тәрәпниң мәлуматида өлгәнләрниң сани 17 гә чиққан.

Иран ислам муһапизәтчиләр қошуни болса намайиш тохтимиған тәқдирдә "үзүл кесил вә инқилаб характирлик" тәдбир қоллинидиғанлиқини агаһландурған иди. Өктичиләр рәһбири һөсәйин мусави болса қоллиғучилирини намайишни давамлаштурушқа, лекин "өзини тутувелип " техиму көп қан төкүлүшниң алдини елишқа чақирған.

Иран һөкүмити чәтәл ахбарат вастилириниң паалийитини тосап, ирандики чәтәллик мухбирларниң кочиға чиқишини чәклигән болсиму, лекин иранлиқлар тор бекәтлиридин пайдилинип ташқи дуняға вәқәниң тәрәққиятиға аит түрлүк хәвәрләрни йоллимақта.

Бирләшмә агентлиқиниң мәлуматиға қариғанда, иран даирилири америка "һәптилик хәвәрләр" журнилиниң канада тәвәликидики бир мухбирини қолға алған. Теһран һөкүмити бу мухбирниң қолға елиниш сәвәбини чүшәндүрмигән. Һәптилик хәвәрләр жорнили баянат елан қилип, иран даирилириниң бу һәрикитини әйиблиди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.