Iraqtiki saylam tinch ötti

Birleshme agéntliqining xewer qilishiche, bu 2005 - yilidin buyanqi tunji qétimliq héchqandaq qalaymiqanchiliq körülmigen tinch saylam pa'aliyiti bolghan. Shu sewebtin amérika prézidénti barak obama mezkur saylamni medhiyilep, bu saylam iraq xelqining özlirining kélechikini öz qollirida tutushqa tashlan'ghan muhim bir qedem dep teripligen. Biraq, xewer qilinishiche, saylam mezgilide bixeterlikni qoghdash kücheytilgen.

Iraq aliy rehberlirimu bu saylamdin memnun bolghanliqini izhar qilishqan. Saylamda 14 ölkining parlamént ezalirini saylap chiqilghan bolup, 14 ming namzat ichidin 440 adem saylinishi kérek iken.

Xewerde éytilishiche, gerche bu qétimqi saylam tinch ötküzülgen, héch qandaq qarshiliq we qalaymiqanchiliq weqeliri körülmigen bolsimu, biraq yenila bir qisim saylighuchilar özlirining isimlirining tizimliktin chüshüp qalghanliqigha narazi bolghan.

Saylam netijisi peqet bir qanche heptidin kéyin élan qilinidu. Bu qétimqi yéngiliq shuki, buningdin töt yil ilgiri sünniyler saylamgha qatnishish we bélet tashlashtin yaltayghan bolsa, bu qétim sun'iylermu saylamgha ishtirak qilghan. Uningdin bashqa yene kop sanda ayal saylam namzatlirimu bolghan.