Ирақта йәнә партлаш

Йәкшәнбә күни бағдад шәһиридә йәнә өзини өлтүрүвелиш характерлиқ партлаш йүз берип, 28 адәмниң өлүшини кәлтүрүп чиқарди.
Мухбиримиз үмидвар
2009-03-08
Share

Хәлқара агентлиқларниң хәвәр қилишичә, моторскилит мингән бир киши бир сақчи қобул қилиш мәркизигә бесип кирип, өзини партлатқан болуп, нәтиҗидә 28 адәм өлгән вә 57 адәм яриланған. Мәзкур сақчи мәркизи бир қанчә қетим зәрбигә учриған болуп, өткән йили 12 - айдики һуҗумда 15 адәм өлгән икән.

Йеқинқи вақитлардин буян ирақта өзини өлтүрүвелиш характерлиқ һуҗумлар бир қәдәр азайғанлиқи вә җәмийәт муқимлиқи һәм аманлиқиниң яхшилинишқа қарап йүзливатқанлиқи хәвәр қилинған болуп, буниңдин узун өтмәй ирақта тунҗи қетимлиқ демократик вә тинч сайлам болуп өткән иди.

Униң үстигә обама һөкүмитиму бу йил 9 - айда ирақтики қошунлардин 12 миң адәмни елип чиқип кетидиғанлиқини, барлиқ қошунларниң асасән 2010 - йилиғичә туридиғанлиқини җакарлиған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт