Ирақ хәлқи америка әскәрлириниң чиқип кетишини тәнтәнә қилди

Америка һәрбий қисимлири ераққа уруш қозғап 6 йилдин кейин 29 - июн кечидин башлап ерақниң чоң‏ - кичик шәһәрлиридин айрилишқа башлиди. Ирақниң пайтәхти бағдаттики чоң бағчиға йиғилған нәччә миңларчә хәлқ америка қисимлириниң ирақтин чекингәнликини тәнтәнә қилишқан.
Мухбиримиз гүлчеһрә
2009-06-30
Share

Америка авази радиосиниң бу һәқтә сәйшәнбә елан қилған хәвиридә көрситишичә, америка қисимлири 30 - ийон күнигичә бағдаттин пүтүнләй чекинип чиқип болуши шәрт болуп, ерақ һөкүмити бу күнни дөләт игилик һоқуқ күни қилип хатириләшни җакарлиған. Нөвәттә бағдаттики йәрлик һөкүмәт вә ерақ қисимлири дөләт мудапиә вәзиписини өткүзүвалқан болуп, ирақниң дөләт вәзийити турақлиқ икән.

Америка ташқи ишлар министири клинтон ханим ирақниң америкидики баш әлчиси билән көрүшүп америкиниң ирақтин әскәр чекиндүрүшиниң шанлиқ бир тарих болидиғанлиқи, әмма америкиниң ираққа һәр вақит ярдәм беришкә тәйяр икәнликини билдүргән.

Америкиниң ерақтики һәрбий һәрикити 2010 - йили 9 - айда тамамлиниду, башқа дөләтләрму ирақтин әскәрлирини 2011 - йилиға қәдәр пүтүнләй чекиндүрүп болиду, бу арилиқта қалған бир қисим америка әскәрлири шәһәр сиртидики һәрбий базиларда ерақ әскәрлирини тәрбийиләш үчүн вақитлиқ қалдурулиду.

Нөвәттә ирақлиқлар пайтәхт бағдаттики чоң ‏ - кичик бағча, аптомобил, аптобусларға ерақниң дөләт байриқини есип, бәзи шәһәрләрдә параттин өтүшкә охшаш тәбрикләш паалийәтлирини давам әтмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт