Dunya islam qurultiyi Uyghurlarning ehwalini közdin kechürüsh uchun tekshürüsh ömiki yolgha saldi

Tekshürüsh ömiki 15 - awghust xitaygha qarap yolgha chiqti.

Qurultay tarqatqan xewerde körsitilishiche, mezkur tekshürüsh ömikige dunya islam kéngishi az sanliqlar bölümi meslihetchisi seyid qasim al masiri bash bolup mangghan.
 
Xewer qilinishiche, xitay hökümiti qurultay bash katipi ekmeleddin ihsanoghluni " 5 - iyul ürümchi weqesi" din kéyin Uyghurlarning ehwalini tekshürüshke teklip qilghan. Ömekning deslepki wezipisi kéngeshning bash katipi ekmeleddin ihsanoghluning xitay ziyariti üchün diplomatik teyyarliq qilish iken.

Melum bolushiche, ömek Uyghur élige bérip, 5 - iyul ürümchi weqesini keltürüp chiqarghan sewebler üstide tekshürüsh élip barghandin kéyin, xitaydiki musulmanlar ning ehwalini közdin kechüridiken.

Bash shtabi se'udi erebistanning jidde shehirige jaylashqan dunya islam qurultiyi, dunya musulmanlirining hoquqni qoghdashni bash mizan qilghan.

Kéngesh bash katipi ihsanoghlu, 5 - iyul ürümchi weqesidin kéyin xitay da'iriliri bilen alaqe qilghan we 25 - iyul demeshiq shehiride échilghan ministirlar yighinda,Uyghur musulmanlirining qanuniy hoquqlirini kapaletke ige qilish uchun xitay terep bilen izchil alaqe qilish teshebbusini otturigha qoyghan.