Ислам кәримоф шаңхәй гуруһиниң терроризмға қарши туруш әһдинамисини рәсмий имзалиди

2009 - Йили, русийиниң йекатәринабург шәһиридә өткүзүлгән шаңхәй һәмкарлиқ тәшкилатиниң йиғинида мақулланған шаңхәй һәмкарлиқ тәшкилатиниң терроризмға қарши туруш әһдинамиси икки йил өткәндин кейин өзбекистан президенти ислам кәримоф тәрипидин имзалинип, өзбекистанниң бу әһдинамини рәсмий түрдә қобул қилғанлиқи қанунлаштурулди.
Мухбиримиз үмидвар
2011.12.18

Русийиниң “регнум” учур ториниң хәвәр беришичә, 30 - ноябир күни бу әһдинамини қобул қилишқа аит қанун өзбекистан парламентиниң төвән палатаси тәрипидин қобул қилинған. 6 - Декабир күни юқири палата уни рәсмий тәстиқлиғандин кейин 16 - декабир күни президент ислам кәримоф буни имзалиған.

Шаңхәй һәмкарлиқ тәшкилатиниң мәзкур терроризмға ортақ қарши туруш әһдинамиси мәзкур тәшкилатқа әза мәмликәтләр бирдәк һалда тутқунларни қайтуруп бериш, һәр қайси дөләтләрниң қанун вә бихәтәрлик даирилири мәсилиләрни һәл қилишқа бирликтә қатнишиш һәм башқа бир қатар мәзмунларға игә.

Бу әһдинамә башқа әза дөләтләр тәрипидин имзалинип болунған иди. Мәзкур әһдинаминиң хитайниң дөләт мәнпәәтлиригә бәкрәк уйғун икәнлики билдүрүлмәктә.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.