Хитайдики қорчақ әмәлдарлардин исмайил тиливалди харватийәни зиярәт қилди

Хитай мәмликәтлик хәлқ қурултийиниң муавин әмәлдарлиридин бири болған исмайил тиливалди, хитай тәрипидин харватийигә зиярәткә әвәтилгән. Бүгүн исмайил тиливалди харватийә президенти билән көрүшкән.
Мухбиримиз шоһрәт һошур
2010-11-02
Share

Сөһбәт давамида харватийә президенти хитайниң йеқинқи 30 йиллиқ тәрәққиятиға мәдһийә оқуған вә шаңхәй көргәзмисини мувәппәқийәтлик өткүзгәнликини тәбриклигән. Исмайил тиливалди болса, харватийәниң хитайниң бир җуңго принсипини вә дөләт пүтүнлүкини һимайә қилип кәлгәнликигә арқа - арқидин миннәтдарлиқ билдүргән.

Хәвәрләрдин мәлум болушичә, исмайил тиливалдиниң бу зиярити давамида һечқандақ конкрет мәсилә яки бир әһмийәтлик тема оттуриға қоюлмиған.

Көзәткүчиләрниң қаришичә, хитай, бир уйғур әмәлдарни дөләт дәриҗилик чәтәл зияритигә әвәтиш арқилиқ, дуняға хитайдики аз санлиқ милләтләрниң сиясий орнини үстүн қилип көрситишкә, җүмлидин уйғур районидики миллий мәсилиләрни пәдәзләп көрситишкә тиришиватқан болуши мумкин икән. Униң үстигә исмайил тиливалди зиярәт қилған дөләтниң, сабиқ империалист вә коммунист дөләт йүгүславийидин бөлүнүп чиққан харватийә болуши, уйғур көзәткүчиләрниң йәнә бир диққәт нуқтисидур.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт