Norwégiye elqa'idige chétilip qolgha élin'ghan gumandarlarning partlitish pilani tüzgenlikini ilgiri sürdi

Norwégiye teptish da'iriliri düshenbe küni bayanat élan qilip, rashiddin muhemmet qatarliq 3 neper elqa'ide gumandarining partlitish élip bérish pilani barliqini élan qildi. Norwégiye n t b axbarat agéntliqining xewer qilishiche, teptish emeldari signé kasérin alling bu 3 kishining norwégiyide bir yaki bir qanche yerge hujum qilish pilani barliqini, ularning hédrogin pér'oksid bombisini yasashni pilanlighanliqini bildürgen.
Muxbirimiz erkin
2010.07.12

Bu norwégiye da'irilirining tunji qétim gumandarlarning térrorluq herikiti élip bérish pilani qurghanliqini élan qilishidur. Ötken hepte norwégiye teptish emeldari jéyn glent, gumandarlarning elqa'ide bilen alaqisi barliqini ilgiri sürüp, ularning nyuyork we manchistérdiki térrorluq pilani bilen munasiwetlik ikenlikini bildürgen. Lékin gumandarlarning partlitish pilani qurghan - qurmighanliqini aydinglashturmighan idi.

3 Kishilik elqa'ide guruppisining ichidiki mika'il deywid isimlik gumandarning milliti Uyghur bolup, u 1999 - yili norwégiyige kélip panahliq tiligen. 39 Yashlardiki mika'il deywidning esli ismi rashiddin muhemmet bolup, süydönglük Uyghurlardin idi. Gumandarlar düshenbe küni osloda sot mehkimisige chiqirilghan. Saqchi terep ularning tutup turulüsh qerelini uzartishni telep qilip, yene 4 heptilik süre bérilishni iltimas qilghan. Tutqunlardin üzbék gumandarning adwokati norwégiye axbarat agéntliqigha melumat bérip, özbék gumandarning 2009 - yili 11 - aydin buyan norwégiye bixeterlik saqchisining tingtingchisi bolghanliqini bildürgen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.