Isra'iliyining ghezze rayonigha qilghan hawa hujumi seweblik ottura sherq weziyiti jiddiyleshti

Isra'iliyining hawa hujumi seweblik ottura sherqte jiddiy weziyet shekillen'genliki birnechche kündin buyan xelq'ara metbu'atlarning muhim xewer témisigha aylandi.
Muxbirimiz méhriban
2012-11-20
Élxet
Pikir
Share
Print

Pelestindiki xamas teshkilati xadimining axbarat orunlirigha bildürüshiche, isra'iliyining pelestinning ghezze rayonigha qilghan hawadin bombardiman qilish herikiti 19-noyabir düshenbe küni 6-künige qedem qoyghan. Bir hepte ichide ghezze rayonida élip bérilghan hawa hujumida ölgenler sani 105 kishige yetken. Bashqa xewerlerdin melum bolushiche, xamas teshkilatimu 19-noyabir düshenbe küni isra'iliyige qaritip, 100 nechche pay rakéta atqan bolup, emma isra'iliye terepte yarilinish ehwali heqqide seyshenbe künige qeder xewer bérilmidi.

Ötken heptining axiridin bashlap, amérika, türkiye, rusiye, misir qatarliq döletler rehberliri hem birleshken döletler teshkilati ottura sherqtiki jiddiy weziyetni peseytishke chaqiriq qilmaqta. B b s agéntliqining 20-noyabir seyshenbe künidiki xewiride amérika prézidénti obamaning düshenbe küni isra'iliye bash ministiri nétin yaxo we misir prézidénti morsigha ayrim-ayrim téléfon qilip, jiddiylishiwatqan ghezze rayoni weziyitini peseytishni telep qilghanliqi xewer qilindi.

Birleshken döletler teshkilati bash katipi ban ki monmu düshenbe küni qahirege yétip kelgen bolup, ban ki mon isra'iliye bash ministiri nétin yaxu we pelestin rehbiri abbas bilen körüshken. Türkiye metbu'atlirida türkiye bash ministiri rejep tayyip erdughanning isra'iliyining ghezze rayonida élip barghan hawa hujumida puqralarning ölgenlikini otturigha qoyup, isra'iliyini térrorluq bilen eyibligenliki we xamas terepning urush toxtitish qarari alghanliqi xewer qilindi.

Toluq bet