Isra'iliye armiyisi ghezze rayonigha yardem bergüchi paraxot etritige oq chiqardi

Amérika prézidénti barak obama isra'iliye qisimlirining yardem esliheliri bésip ghezze rayonigha qarap yolgha chiqqan kéme topigha hujum qilghanliqidin "qattiq epsuslan'ghanliqi"ni bildürdi.
Muxbirimiz jüme
2010.05.31

Birleshme agéntliqida körsitishiche, prézidént obama nöwette chikagoda dem éliwatqan bolup, u weqening sadir bolushidiki barliq pakitlarni tetqiq qilishining intayin muhimliqini ilgiri sürgen.

Washin'gton pochtisi gézitide xewer qilinishiche, düshenbe küni, isra'iliye déngiz armiyisi qisimliri ghezze rayonigha yardem bergüchi paraxot etritini tosup qélish üchün paraxot etritige oq chiqarghan. Hujumda eng az dégende 20 ge yéqin adem ölgenliki ilgiri sürülgen.

Melum bolushiche, bu yardem esliheliri bésilghan paraxot guruppisini türkiyidiki bir insaniy yardem jem'iyiti teshkilligen. Bügün türkiye da'iriliri isra'iliyining mezkur qilmishini qattiq eyibligen we türkiyide turushluq isra'iliye bash elchisini chaqirtip weqe heqqide chüshendürüsh bérishni telep qilghan.

Nöwette, türkiyide isra'iliyige qarshi naraziliq namayishliri ötküzülmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.