Isra'iliye xamastin esirge chüshken isra'iliye eskirini qoyup bérishni shert qildi

Xelq'ara jem'iyetning arigha chüshüshi netijiside isra'iliye ghezze rayonigha qaratqan üch heptilik hujumini toxtatqan bolsimu, lékin isra'iliye bilen xamas arisida uzun muddetlik tinchliq kélishimi tüzüsh üchün söhbet élip bérish téxi emelge ashmaywatidu.
Muxbirimiz ümidwar
2009-02-15
Share

Birleshme agéntliqining xewer qilishiche, shenbe küni isra'iliye ichki ishlar ministiri xamastin esirge chüshüp qalghan isra'iliye eskirini qoyup bérishni telep qilip, xamasning mezkur esirni qoyup bergendila ikki terep arisida tinchliq söhbitini élip bérish mumkinlikini bildürgen.

Emma, xamas isra'iliye terepning bu telipini ret qilghan we isra'iliye bilen xamas arisida uzun muddetlik tinchliq kélishimi tüzüsh üchün deslepki shert ghezzege qatnaydighan chégra ötkilini échiwétish kéreklikini otturigha qoyghan. Isra'iliye terep wekili bolsa, bu mesilidiki söhbetning emelge éshishi üchün xamasning isra'iliye esirini qoyuwétishi lazimliqini tekitligen.

Közetküchiler isra'iliye terep söhbet üchün esir almashturushni shert qilishining buningdin kéyinki weziyetni jiddiyleshtürüp qoyushi mumkinlikini perez qilishmaqta. Chünki, xamas bu shertke izchil qarshi chiqishi mumkin. Isra'iliyining üch heptilik küchlük hujumliri netijiside 1300 din artuq pelestinlik hayatidin ayrilghan, 2000 etrapida adem yarilan'ghan bolup, bu ehwallar pelestinliklerning qattiq naraziliqini qozghighan idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet