Xitay amanliq da'iriliri 2008‏-yildin kéyin xotende qolgha alghan ikki Uyghurning hazirgha qeder iz ‏-dériki yoqluqi ashkarilandi

Dunya Uyghur qurultiyining ashkarilishiche, xoten chong bazirining doqmushidiki “Tulpar” namliq ün-sin dukénining xojayini “Bölgünchilik” terghib qilin'ghan özek we sin alghu plastinkilirini qanunsiz yighish we köchürüsh bilen eyiblinip, xitay amanliq da'iriliri teripidin 2008‏-yili 7 ‏-ayning 18 ‏-küni qolgha élin'ghan.

Qurultay bayanatchisi dilshat rishit, qolgha élin'ghan mezkur shexsning hazirgha qeder iz ‏-dérikini yoqluqini eskertip, xitay da'irilirining eqelliy xelq'ara edliye ölchemlirige xilapliq qiliwatqanliqini ilgiri sürdi.

Dunya Uyghur qurultiyi yene qol téléfon sodisi bilen shughullinidighan yene bir Uyghur yashningmu, 2009‏-yili 6‏-ayning 30 ‏-küni qolgha élin'ghandin buyan hazirgha qeder iz ‏-dériki yoqluqini bildürdi.

Qurultay bayanatchisi dilshat rishitning eskertishiche, da'iriler buningdin ikki yil burun qolgha élin'ghan bu yashning xoten gujyang jenubiy yolidiki wakaliten qol téléfoni satidighan dukénini axturup, uni dukanning kompyuturida “Qanunsiz” qur'an saqlighanliqi üchün qolgha alghan.