Җаң чүншән роза һейтта уйғурларниң өйини һейтлиди

Уйғур аптоном райониниң тәйинләнгән компартийә секритари җаң чүншән уйғур елини идарә қилишни башлиғандин буян, уйғурларниң тунҗи һейтини уйғурларни йоқлаш билән күтүвалди.
Мухбиримиз үмидвар
2010-09-12
Share

Хитайниң шинхуа ториниң сүрәтлик хәвиридә баян қилинишичә, җаң чүншән 10 - сентәбир күни уйғурларниң өйлири чеқилип, тарқақлаштурулуш башланған хейҗасән райониға берип, әхәт исимлик бир уйғурниң өйини йоқлиған.
 
Қоюқ тәшвиқат түси алған мәзкур сүрәтлик хәвәрдә көрситилишичә, әсли маралбешидин пенсийигә чиқип бу йәрдин өй сетивелип орунлашқан әхәт исимлик киши партийә мәркизий комитетиниң "шинҗаң хәлқиғә қилған чоң совғисиға, 19 өлкә вә шәһәрниң шинҗаңға ярдәм бериватқанлиқиға рәһмити" ни билдүргән.
 
Хәвәрдә ейтилишичә, җаң чүншән уйғур тилида әхәтниң һейтини тәбриклигән. У, әхәткә қилған сөзидә, "шинҗаңниң һазирқи яхши вәзийити һәр милләт аммисиниң ортақ тиришчанлиқи билән қолға кәлгән, һәр милләт инақ - иттипақ болса, шинҗаң параван вә муқим болиду, һәр милләт хәлқи бәхтлик вә тинч турмуш кәчүрәләйду" дегән.
 
Сүрәттә, уйғур дияриниң әң алий башлиқи һесабланған җаң чүншәнниң әхәтниң қолини тутуп, күлүп олтурған қияпити намайән қилинған.

Әмма, чәтәлләрдики уйғур көзәткүчилири болса, җаң чүншәнниң роза һейтта бир қанчә уйғурни йоқлап, уларға муқимлиқ һәққидә сөз қиливатқан пәйттә, 5 - июл вәқәсидә һәм униңдин илгири - кейин тутқун қилинған нурғун уйғурниң түрмидә азап чекиватқанлиқи, уларниң аилиси вә ата - анилириниң азап - оқубәт ичидә яшаватқанлиқини билдүрүшти.

 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт