Jang chünshen roza héytta Uyghurlarning öyini héytlidi

Uyghur aptonom rayonining teyinlen'gen kompartiye sékritari jang chünshen Uyghur élini idare qilishni bashlighandin buyan, Uyghurlarning tunji héytini Uyghurlarni yoqlash bilen kütüwaldi.
Muxbirimiz ümidwar
2010.09.12
Share on WhatsApp
Share on WhatsApp

Xitayning shinxu'a torining süretlik xewiride bayan qilinishiche, jang chünshen 10 - séntebir küni Uyghurlarning öyliri chéqilip, tarqaqlashturulush bashlan'ghan xéyjasen rayonigha bérip, exet isimlik bir Uyghurning öyini yoqlighan.
 
Qoyuq teshwiqat tüsi alghan mezkur süretlik xewerde körsitilishiche, esli maralbéshidin pénsiyige chiqip bu yerdin öy sétiwélip orunlashqan exet isimlik kishi partiye merkiziy komitétining "shinjang xelqighe qilghan chong sowghisigha, 19 ölke we sheherning shinjanggha yardem bériwatqanliqigha rehmiti" ni bildürgen.
 
Xewerde éytilishiche, jang chünshen Uyghur tilida exetning héytini tebrikligen. U, exetke qilghan sözide, "shinjangning hazirqi yaxshi weziyiti her millet ammisining ortaq tirishchanliqi bilen qolgha kelgen, her millet inaq - ittipaq bolsa, shinjang parawan we muqim bolidu, her millet xelqi bextlik we tinch turmush kechüreleydu" dégen.
 
Sürette, Uyghur diyarining eng aliy bashliqi hésablan'ghan jang chünshenning exetning qolini tutup, külüp olturghan qiyapiti namayen qilin'ghan.

Emma, chet'ellerdiki Uyghur közetküchiliri bolsa, jang chünshenning roza héytta bir qanche Uyghurni yoqlap, ulargha muqimliq heqqide söz qiliwatqan peytte, 5 - iyul weqeside hem uningdin ilgiri - kéyin tutqun qilin'ghan nurghun Uyghurning türmide azap chékiwatqanliqi, ularning a'ilisi we ata - anilirining azap - oqubet ichide yashawatqanliqini bildürüshti.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet