Jang chünshyen Uyghur rayonining 8-nöwetlik partkom sékrétarliqigha qayta "Saylandi"

Xitay kommunistlirining Uyghur aptonom rayonluq partkomi bügün 8-nöwetlik 1-omumi yighinini échip, partkom da'imiy komitétining 15 neper ezasi we partkom sékrétarlirini békitip chiqti.
Muxbirimiz shöhret hoshur
2011-10-31
Share

Atalmish saylamda jang chünshyen yene bash sékrétarliqqa, nur bekri, ché jün we xen yunglar mu'awin sékrétarliqqa qayta saylandi. Da'imiy komitétining 15 neper ezasi ichide Uyghurlardin erkin turaxun, shawket imin we küresh mexsutmu bar.

Tengritagh torining bügünki bu heqtiki xewiride bildürüshiche, omumi yighin'gha rayonluq partkom intizam tekshürüsh komitéti riyasetchilik qilghan. Jang chünshyen yighinda söz qilip, "Hemme ishta xelqni oylash, hemme ishta xelqqe tayinish" qatarliq xitay kompartiyisining qedimiy sho'arlirini tekrarlighan. U yene sözide xelq turmushini yaxshilash, döletning pütünlüki we milletler ittipaqliqini qoghdashning ehmiyitini tekitligen.

Uyghur közetküchilirining qarishiche, mezkur yighinning sheklidin mezmunigha qeder héchqandaq bir yéngiliq eks etmigen bolup, bu, Uyghur rayonluq partkomning aldimizdiki yillarda rayonning siyasiy weziyitini bolupmu, milletler munasiwitini onglash üchün héchqandaq bir ijabiy qedem basmaydighanliqidin bésharet dep qaralmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet