Jaw ziyang ning awaz xatirisining neshr qilinishi xelq'arada küchlük inkas qozghidi

Sabiq xitay kompartiyisining sékritari jaw ziyangning eslimilirining awaz xatirisi erkin asiya radi'o istansisining xitay tili bölümi teripidin jem'iyetke ashkarilan'ghandin kéyin, bu awazliq eslimilirining "islahat tarixi musapisi" we "döletning mehbusi" dep nam bérilgen in'glizche nusxisi neshr qilinip jem'iyetke tarqitilip xelq'arada küchlük inkas qozghidi.
Muxbirimiz mihriban
2009-05-21
Share

Eslimilerning bir qisim mezmunlirini eng deslep élan qilghan, xongkongdiki "sada " jurnili bu eserge baha bérip: "jaw ziyangning eslimisining awaz xatiriliri, 4 - iyun weqesining heqiqiy ehwalini eynen bayan qilip berdi, bu eslime junggoning hazirqi zaman siyasiy tarixida muhim ehmiyetke ige " dep körsetti.

Xongkongda chiqidighan "sada "we "yéngi esir " jurnilining bash muherriri jang wey go bu kitabning ehmiyiti heqqide toxtilip, "nöwette dunyaning hemmila jaylirida 89 - yilidiki " 4 - iyun qirghinchiliqi" ning 20 yilliqini xatirilesh pa'aliyiti élip bériliwatidu, mushundaq bir mezgilde jaw ziyangning eslimisining neshr qilinishi,muhim ehmiyetke ige.

Bu eslimide jaw ziyang weziyet tereqqiyatini bayan qilish bille yene özining qarashlirinimu otturigha qoyghan, bu arqiliq jongnenxeyning ichki qismidiki siyasi suyiqestlerni ashkarilighan, bu eser junggoning siyasi weziyiti hem 4 - iyun weqesining heqiqi ehwalini bilishtiki bir achquch " dep körsetti.

 Nöwette bu eserning élan qilinishi bilen, xitay dölet ichidimu bes - munaziriler ewj alghan bolup, kishiler intérnét tor betliride jaw ziyang we "4 - iyun tyenenmén weqesi" ge nisbeten öz qarashlirini bayan qilmaqta.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet