9-январ йәкшәнбә күни җәнубий суданниң мустәқиллиқи үчүн суданда омумий хәлқ рай синаш паалийити елип берилиду
2011.01.08
Җәнубий судан, суданниң җәнубиға җайлашқан аптономийилик район болуп, әрәб болмиған африқилиқлар асаслиқ салмақни игиләйду.
Җәнубий суда ефиопийә, уганда, кенийә вә конго қатарлиқ дөләтләр билән чегрилиниду. Җәнуби сунда нөвәттә судан мәркизий һөкүмитиниң башқурушида турмақта.
Суда һөкүмити хитайниң әң йеқин иттипақдиши. 2009- Йили мартта хәлқаралиқ сот нөвәттики судан президенти өмәр әл бәширини уруш җинайәтчиси дәп елан қилип, тутуш буйруқи чиқарған иди.
Америка чнн телевизийидә хәвәр қилинишичә, нөвәттә суданда елип берилидиған рай синаш паалийити җәнубий суданни байрам кәйпиятиға чөмдүргән.
Улар өзлиригә мәҗбури теңилған бирликини һәргиз қобул қилмайдиғанлиқини билдүрүшкән.
Җәнубий судан билән шималий судан (судан мәркизий һөкүмити) 1955- йилидин 1972 йилиғичә бир қетим вә 1983 йилидин 1997 йилиғичә йәнә бир қетим узун муддәт җәң қилған. Бу икки қетимлиқ ичи урушта 2 милйон адәмниң өлгәнлики илгири сүрүлгән.
Мәлум болушичә, бу нөвәтлик мустәқиллиқ үчүн рай синаш һәрикитини әмәлгә ашуруш үчүн америка президенти обама көп тиришчанлиқ көрсәткән вә судан даирилиригә бесим ишләткән.