Xitay da'iriliri jyang zémin heqqidiki tor munazirilirige cheklime qoydi

Jyang zéminning 90 yilliqqa qatnishalmighanliqi we buning sewebi axbarat wasitilirining hemde közetküchilerning qiziqishini qozghighan idi. Jüme künki chay ziyapitige jyang zémindin sirt kompartiyining qéri- chöre, sadiq we sabiq rehberlirining hemmisi qatnashqan. Xongkong metbu'atlirining bügünki xewerliride uning béyjing 301-herbiy doxturxanida yétip qalghanliqi ilgiri sürülgen.

Közetküchiler, gerche jyang zémin buningdin 9 yil burun aramgha chiqqan bolsimu, lékin uning partiye we herbiydiki tesir küchi hazirgha qeder mewjütluqini bildürmekte. Xongkong axbarat wasitilirining bildürüshiche, 3-chésla 301-doxturxanigha jyang zéminni yoqlap barghan herbiy emeldarlarning köplüki muxbirlarning diqqitini qozghighan.

Jyang zémin xitay islahat yoligha mangghan yéqinqi 30 yildin buyan eng sezgür dewrde hakimiyet sorighan shexs. Uning dewride xitayning Uyghur siyasiti tüp özgirish yasap, Uyghurlarni basturushni kücheytishke yüzlen'gen.

Xitay kompartiyisining 1996-yili chiqarghan Uyghurlarni basturush toghrisidiki “7-Nomurluq höjjiti” uning rehberlikide chiqirilghan idi. Tor saqchiliri xitay tor betliride bashlan'ghan jyang zémin heqqidiki bes-munazirigha cheklime qoyghan.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar