12 - Noyabir jumhuriyet küni xatirilendi

Igilishimizche, ilmiy muhakime yighini, yighilish, shéhitlarni eslesh qatarliq türlük shekillerde ötküzülüwatqan bu pa'aliyetler 10 - noyabir künidin étibaren bashlan'ghan. Nöwette, 1944 - yilidiki ikkinchi jumhuriyetni qurushqa qatnashqan we yaki shu jumhuriyet dewride yashighan shahidlarning az bir qisimi téxi hayat bolup, chet'ellerdiki bu shahidlarning mutleq köp qisimi ottura asiyagha jumhuriyetlerge tarqalghan. Mezkur shahidlar ikki jumhuriyet rohining saqlinishida küchlük rol oynidi.

Ottura asiya jumhuriyetliride, jumhuriyet re'isi elaxan töre, milliy armiye bash qomandani palénof we mu'awin bash qomandan zunun téyipof, jumhuriyet bash katipi abdurewup mexsum ibrayimi, xelq qehrimanliri gheni batur we fatix batur qatarliqlarni öz ichige alghan köpligen yuqiri derijilik herbiy - siyasiy we memuriy xadimlar shuningdek zor sandiki milliy armiye jengchi - ofitsérliri yashighan idi.

Her yili sherqiy türkistan jumhuriyitini xatirilesh che'ellerdiki Uyghurlarning en'enisige aylan'ghan bolup, bu küni özini Uyghur hés qilghan kishi eshu shanliq yillarni esleydu.

Tarixchilarning yekünlishiche, Uyghurlarning bu ikki jumhuriyiti tashqi küchlerning arilishishi netijiside axirlashqan.