Канада бәш йил ичидә миң нәпәр тибәт мусапирини қобул қилмақчи

Канада һөкүмити "инсанпәрвәрлик әнәнисини җари қилдуруп, тибәтлик мусапирларға өз ишикини ачидиғанлиқи" ни билдүрүп, бәш йил ичидә һиндистанниң аруначал районидин миң нәпәр тибәт мусапирини канадаға қобул қилидиғанлиқини җакарлиған.
Мухбиримиз үмидвар
2010-12-22
Share

Хитай тилида чиқидиған " улуғ ера" гезитиниң канададики тибәт комитетиниң учуридин нәқил елип тарқатқан учурида йезилишичә, канада һөкүмити бу қарарни 18-декабир күни елан қилған болуп, канаданиң көчмәнләр вә пуқралар ишлириға мәсул министири " канаданиң һиндистан һөкүмити вә канада тибәт комитетиниң өзлири билән һәмкарлишип, бу ишни оңушлуқ беҗиришни күтүватқанлиқини, җүмлидин тибәт мусапирлириниң канадаға келишини қарши алидиғанлиқи"ни билдүргән.

Хәвәрдә ейтилишичә, 2007-йили тибәт роһаний даһийси далай лама канадани зиярәт қилғанда, канада һөкүмитидин тибәт мусапирлирини қобул қилишни тәләп қилған икән.
1959-Йилидики тибәт қозғилиңиниң бастурулуши билән далай лама вәтинидин айрилғандин кейин бир қисим әлләр тибәт мусапирлирини рәсмий сиясий бастурушқа учриған мусапир сүпитидә қарап қобул қилған иди. Тибәт мусапирлириниң америка, канада вә башқа явропа әллиридә көпийиши тибәт давасиниң хәлқара сәһнидә күчийишидики муһим амилларниң биригә айланған. Чүнки, бу мусапирлар арисидин юқири мәлуматлиқ, ғәрб тиллирини яхши билгән алимлар, мутәхәссисләр, сиясәтшунаслар йетишип чиқип, өз давасини үнүмлүк чүшәндүрәлигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт