Хитай һөкүмити кинайә характерлик картон филимләрни чәклимәктә

Хәвәрләрдин мәлум болушичә, йеқиндин буян хитай һөкүмити телевизор һәм интернет тор бәтлиридики кинайә характерлик картон филимләр һәм һәр хил һәҗвий рәсимләргә қаратқан контроллуқни күчәйтишкә башлиған.
Мухбиримиз меһрибан
2011-01-27
Share

Америка бирләшмә агентлиқиниң хәвәр қилишичә, ваң бө исимлик бир картон филим ишлигүчи "җәнубий бағчә" намлиқ картон филим ишлигән болуп, филимдә 2011-йилниң йил мөчили болған тошқанниң хитайда ишләнгән сәнлу маркилиқ сүт парашокини истемал қилғандин кейин, өлүп қалғанлиқи тәсвирләнгән.

Филимдә йәнә 2010- йилниң мөчәл йили болған йолвас образиму тәсвирләнгән болуп, бу картон филим торда қоюлғандин кейин җәмийәттә күчлүк инкас қозғиған. Бу филим һәққидә инкас язған тор абонтлири хитайда сәнлу маркилиқ сүт парашокидин зәһәрлинип өлгән 6 нәпәр бовақ һәм кесәл болған 300 миң боваққа төләм бериш мәсилисини хитай һөкүмитиниң адил бир тәрәп қилмиғанлиқи һәм наразилиқ билдүргән кишилик һоқуқ актиплирини җазалиғанлиқи һәққидә наразилиқлирини билдүрүп хитай һөкүмитини әйиблигән.

Бүгүн пәйшәнбә күни бу картон филим хитай һөкүмити тәрипидин чәкләнгән филим дәп елан қилинип, филим ишлигүчи ваң бө нәзәрбәнд қилинған шундақла бу картон филим елан қилинған тор бекити тақилип, хитайдики һәр қандақ тор бекитидә бу картон филимниң тәкрар қоюлушини чәкләнгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт