Xitay hökümiti kinaye xaraktérlik karton filimlerni cheklimekte

Xewerlerdin melum bolushiche, yéqindin buyan xitay hökümiti téléwizor hem intérnét tor betliridiki kinaye xaraktérlik karton filimler hem her xil hejwiy resimlerge qaratqan kontrolluqni kücheytishke bashlighan.
Muxbirimiz méhriban
2011-01-27
Share

Amérika birleshme agéntliqining xewer qilishiche, wang bö isimlik bir karton filim ishligüchi "Jenubiy baghche" namliq karton filim ishligen bolup, filimde 2011-yilning yil möchili bolghan toshqanning xitayda ishlen'gen senlu markiliq süt parashokini istémal qilghandin kéyin, ölüp qalghanliqi teswirlen'gen.

Filimde yene 2010- yilning möchel yili bolghan yolwas obrazimu teswirlen'gen bolup, bu karton filim torda qoyulghandin kéyin jem'iyette küchlük inkas qozghighan. Bu filim heqqide inkas yazghan tor abontliri xitayda senlu markiliq süt parashokidin zeherlinip ölgen 6 neper bowaq hem késel bolghan 300 ming bowaqqa tölem bérish mesilisini xitay hökümitining adil bir terep qilmighanliqi hem naraziliq bildürgen kishilik hoquq aktiplirini jazalighanliqi heqqide naraziliqlirini bildürüp xitay hökümitini eyibligen.

Bügün peyshenbe küni bu karton filim xitay hökümiti teripidin cheklen'gen filim dep élan qilinip, filim ishligüchi wang bö nezerbend qilin'ghan shundaqla bu karton filim élan qilin'ghan tor békiti taqilip, xitaydiki her qandaq tor békitide bu karton filimning tekrar qoyulushini cheklen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet