Jang chünshenning kechlik bazar ziyaritidiki saxtiliq ashkarilandi

Xitayning tengritagh torining 5-iyul künidiki xewiride düshenbe küni kechte Uyghur aptonom rayonining partkom sékrétari jang chünshenning ürümchi dawan kéchilik bazirigha kélip, kechlik bazarda tijaret qiliwatqan tijaretchiler hem ammidin hal sorighanliqi xewer qilindi.
Muxbirimiz méhriban
2011-07-05
Share

Xewerde jang chünshenning kechlik bazarda köpchilik bilen birlikte piwa ichip mungdashqanliqi bayan qilinip, 5-iyul ürümchi weqesi yüz bérip, ikki yildin kéyin ürümchi weziyitide tinch, ittipaq, tereqqiyat weziyiti shekillen'genliki medhiyilendi.

Emma dunya Uyghur qurultiyi teminligen uchurlar hem radi'omiz igiligen uchurlardin jang chünshenning kechlik bazardiki ziyariti aldinala teyyarlan'ghan saxta körünüsh ikenliki ashkarilandi. Dunya Uyghur qurultiyi bayanatchisi dilshat rishitning bildürüshiche, jang chünshenning kechlik bazar ziyaritidin ilgiri, saqchi da'iriliri dawan bazardiki Uyghur tijaretchilirige qarita qattiq tekshürüsh élip bérip, dawan baziri etrapidiki beyge meydani qatarliq jaylardiki Uyghur mehelliliride nazaretni kücheytip, kechlik bazarni qamal qilghan.

Melum bolushiche, saqchilar bilen hemkarlishishni xalimighan Uyghur tijaretchiliridin 9 tijaretchining shu küni kéchidiki tijariti toxtitip qoyulghan. Bu jeryanda saqchilar bilen tijaretchiler otturisida sürkilish yüz bérip, bir neper Uyghur saqchilar teripidin tutup kétilgen.

Ürümchi shehiridin radi'omiz ziyaritini qobul qilghan sheher ahalilirining bildürüshiche, ikki kündin buyan saqchi da'iriliri nuqtiliq halda beyge meydani hem döngköwrük etrapidiki Uyghurlar zich olturaqlashqan rayonlargha qaratqan nazaretni kücheytken bolup, bu rayonlarda qoralliq saqchilardin bashqa, puqrache kiyin'gen saqchilar téximu köpeytilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet