Ақсарайда берилгән кәчлик тамақниң арқисидики агаһландуруш

Хитай дөләт рәиси ху җинтав өткән сәйшәнбә вашингтонға йетип кәлгән күнниң ахшими ақсарайда кәчлик ғизаға тәклип қилинған иди.
Мухбиримиз әркин
2011-01-21
Share

"Ню йорк вақти" гезити бүгүн хәвәр елан қилип, хитай мәтбуатлири тәрипидин ху җинтавниң америкида пәвқуладдә илтипат билән күтүвелинғанлиқиниң намайәндиси, дәп кәң тәшвиқ қилинған ақсарайдики кәчлик ғизаниң сирини ашкарилиди. "Ню-йорк вақти" гезитиниң илгири сүрүшичә, президент обама ақсарайдики кәчлик ғизада ху җинтавни агаһландуруп, әгәр хитай шималий корийигә бесимни күчәйтмисә, америкиниң асияға қошун орунлаштуруп, шималий корийиниң америка туприқиға һуҗум қилишиниң алдини алидиғанлиқини билдүргән.

"Ню-йорк вақти" гезитиниң юқири дәриҗилик америка һөкүмәт әмәлдарлириниң сөзидин нәқил кәлтүрүп бәргән мәзкур хәвиридә илгири сүрүшичә, обаманиң ху җинтавни агаһландуруши наһайити тез үнүм берип, шималий корийә пәйшәнбә күни җәнубий корийиниң пйоңяң билән шәртлик сөһбәт өткүзүш тәклипини қобул қилған. Бу хәвәр ху җинтавниң сәпирини давамлаштуруп, чикагони зиярәт қиливатқан бир мәзгилдә елан қилинған. Ақсарай җүмә күни бу һәқтики хәвәрләргә баһа беришни рәт қилди. Бу президент обаманиң ху җинтавни 1 ‏- қетим агаһландуруши әмәс. Обама, әгәр хитай тәдбир қолланмиса асияда қошун турғузидиғанлиқини 1‏- қетим 2010‏- йили 12‏- айда ху җинтав билән телефонда сөзләшкәндә тәкитлигән. Бу қетим униң ақсарайдики ғизада хитайни 2‏ ‏- қетим агаһландуруши.

Америка мәтбуатлириниң хәвәр қилишичә, бейҗиң университети хәлқара тәтқиқат орниниң мутәхәссиси ваң дуң, ху җинтавниң кәчлик ғизада агаһландурулғанлиқиға даир бу хәвәр "ху җинтавниң йүзигә бир шапилақ салғанлиқтур" дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт