Xelq'ara kechürüm teshkilati xitaydin ölümge höküm qilin'ghanlarning heqiqiy sanini élan qilishni telep qildi

Xelq'ara kechürüm teshkilati xitay da'iriliridin her yili ölüm jazasigha buyrulghan we ijra qilin'ghanlarning heqiqiy sanini ashkara élan qilishni telep qilghan.
Muxbirimiz erkin
2012.03.26

Xelq'ara kechürüm teshkilati özining ölüm jazasi heqqidiki eng yéngi doklatida ilgiri sürüshiche, xitay 2011-yili yenila dunyadiki kishiler eng köp ölüm jazasigha buyrulghan we ijra qilin'ghan döletlik ornini saqlap qalghan. Uning shu yili ölüm jazasigha buyrughan adem sani dunyadiki barliq döletlerning omumiy sanidin köp.

Xelq'ara kechürüm teshkilati ölüm jazasigha buyrulghanlarning nechche minggha yétidighanliqi, biraq xitay hökümiti buni “Dölet mexpiyetliki” dep qarighachqa, ularning heqiqiy sanini éniqlashqa mumkinchilik bolmighanliqini bildürgen.

Xelq'ara kechürüm teshkilatining bash katipi salil sheti eskertip:2011-yili dunyadiki mutleq köp qisim döletlerde ijra qilin'ghan ölüm jazaliri éniq bolsimu, biraq xitay da'iriliri ölüm jazasini dawamliq mexpiy tutqachqa, bu uning 2007-yildin buyan ölüm jazasi körünerlik azayghanliqi heqqidiki bayanlirini ispatlashqa tosalghuluq qildi, dégen.

Biraq xelq'ara kechürüm teshkilatining bash katipi yene, xitay mikro blog we ijtima'iy tor alaqe wasitiliride ölüm jazasi heqqidiki bes munazire küchiyip, xitay da'irilirige jiddiy bésim peyda qiliwatqanliqi, buning kishini ilhamlanduridighan bir yüzlinish ikenlikini bildürgen.

Xelq'ara kechürüm teshkilatining mezkur doklati del xitay hökümiti qeshqerde 28-féwral qaghiliq “Yéngi bazar weqesi” ge qatniship, tirik tutulup qalghan Uyghurlardin abdukérim mamutning ölüm jazasigha höküm qilin'ghanliqini jakarlighan oxshash bir künde élan qilin'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.