Кәшмирдә тоқунуш йүз бәрди

Һиндистан тәрәпниң ашкарилишичә, кәшмирдә һиндистан һөкүмәт армийиси гуманлиқ адәмләрни ахтуруш елип бериватқанда кәшмир қораллиқ қаршилиқ көрсәткүчлири билән тоқунуш келип чиқип, алтә нәпәр һиндистан һөкүмәт армийиси җәңчиси вә 4 нәпәр қаршилашқучи - җәңчи һаятидин айрилған.
Мухбиримиз үмидвар
2009-03-22
Share

Тоқунуш җүмә күнидин таки шәнбә күнигичә давамлашқан болуп, әмма, мустәқилчи кәшмир қораллиқ гуруппилири кәк көләмлик қаршилиқ һәрикитигә өткәнликини етирап қилмиған.

Америка авазиниң хәвиридә ейтилишичә, вәқә һиндистан билән пакистанниң чегрилинидиған җайиға тоғра кәлгән болуп, бу җай әзәлдинла тоқунуш нуқтиси болуп кәлгән иди. Кәшмирниң һиндистан билән пакистан бөлүвалған җайидики чегра нуқтилиридики тоқунушларда даим икки дөләт бир - бирини алдида оқ чиқарғанлиқ билән әйибләйду, һиндистан тәрәп болса, пакистанни кәшмир мустәқилчилирини қорал билән тәминләп, һиндистан тәрәпкә киргүзди дәп әйибләйду.

Әмәлийәттә, кәшмирдә мустәқил дөләт болуш пикирдики күчләрниң һәрикити илгири бир қанчә йиллар ичидә күчәйтип кәткән болуп, бу мәсилә һиндистан вә пакистан мунасивәтлири берип тақашқан.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт