Diktator kim jong'élning rohiy b d t da yétim qaldi

Shimaliy koriyining b d t diki wekili tünügün b d t omumiy kéngishidin, wapat bolghan rehbiri kim jong'élgha hörmet bildürüp teziye bildürüshni telep qilghan. Telep omumiy kéngeshning re'isi teripidin qobul qilinip, b d t diki wekiller bir minutluq sükütte turushqa chaqirilghan.
Muxbirimiz shöhret hoshur
2011.12.23
Share on WhatsApp
Share on WhatsApp

Yighinda amérika, yaponiye, jenubiy koriye we yawropa döletliri bashchiliqida köp sandiki döletler kim jong'élge teziye bildürüshke qarshi chiqqan. Netijide omumiy kéngesh ezalirining 1/3 qismigha yetmeydighan sandiki wekiller ornidin turup teziye bildürgen؛ emma sükütte turulghan waqit peqet 25 sékunt dawam qilghan.

Yawropa wekilliri kim jong'élning öz dölitide nechche 10 ming kishining jénigha zamin bolghanliqini tilgha élip, uning b d t da ülge bolalmaydighanliqini, shunga uninggha teziye bildürüshning toghra bolmaydighanliqini bildürgen.

Omumi kéngesh re'isi nasir abdul'eziz, özining b d t ning diplomatik qa'ide-tertipliri boyiche ish tutqanliqini bildürüp özini aqlighan.

Melum bolushiche, shimaliy koriye wekili oxshash telepni b d t bixeterlik kéngishigimu sun'ghan, lékin telep ret qilin'ghan. Tünügünki murasimda kim jong'élge teziye bildürüp sükütte turghan döletler arisida xitayning bar-yoqluqi alaqidar xewer, maqalilerde tilgha élinmidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.