Charshenbe küni shimaliy koriye diktatori kim jung'ilning depne murasimi ötküzüldi

Shimaliy koriye diktatori kim jung'ilning depne murasimi charshenbe küni pyongyangda bashlandi. Depne pa'aliyiti ikki kün dawam qilidu.
Muxbirimiz erkin
2011.12.28
Share on WhatsApp
Share on WhatsApp

Peyshenbe küni teziye bildürüsh murasimi ötküzülüp, shimaliy koriyining partiye, hökümet we herbiy sahesidiki shexsler uning bilen axirqi qétim widalishidu. Charshenbe küni pyongyang sheher merkizidiki kumsusan xatire sariyi aldida ötküzülgen nechche on ming kishilik murasimda kim jung'ilning miyitige hörmet bildürüldi.

Kim jung'ilning oghli kim jung'un méyitni élip mangghan mashinining aldida yürgen bolup, kim jung'unning arqisidin uning taghisi jang sungték mangghan. Jang sungték kim jung'unning hammisining yoldishi shundaqla öz nöwitide yene, shimaliy koriye dölet mudapi'e komitétining mu'awin re'isidur.

Analizchilarning ilgiri sürüshiche, bu kim jung'unning hoquqni toluq ötküzüwélishida jang sungtékning muhim rol oynaydighanliqini bildüridiken. Kim jung'ilning ölümi amérika, yaponiye, koriye, xitay qatarliq döletlerning yéqindin diqqitini qozghap, yadro qorallirigha ige bu axirqi stalinchi döletning hoquq ötküzüwélishni tinch tamamlishigha tilekdashliq bildürgen idi.

Analizchilar peyshenbe küni ötküzülidighan murasimda herbiy, siyasiy, memuriy emeldarlarning tizilish ret tertipige qarap, shimali koriye hakimiyet yadrosining kimlerdin terkib tapidighanliqini perez qilishqa bolidighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.