Kishilik hoquq teshkilatliri xitayning kishilik hoquq weziyitini eyiblidi

Merkizi amérikidiki kishilik hoquq orgini bolghan "erkinlik sariyi" peyshenbe küni yilliq doklatini élan qildi. Doklatta eskertilishiche, ötken besh yil ichide dunyaning kishilik hoquq weziyiti izchil keynige chékin'gen.
Muxbirimiz irade
2011-01-13
Share

Doklatta xitaydiki kishilik hoquq weziyiti alahide tilgha élin'ghan bolup, xitay hökümitining basturush tedbirlirini izchil halda küchlendürüwatqanliqi, xitay öktichi lyu shawbo nobél tinchliq mukapatigha érishkendin kéyin, xitayning herqaysi döletlerge mukapat tarqitish murasimigha qatnashmasliq heqqide bésim ishletkenliki qattiq tenqid qilindi.

Merkizi nyuyorktiki "kishilik hoquqni közitish" teshkilatimu seyshenbe küni élan qilghan yilliq doklatida xitay hökümitining insanlarning eng asasiy kishilik hoquqlirigha dexli-teruz qiliwatqanliqini, özi élan qilghan "kishilik hoquq heriket pilani" gha xilap ish qilip, puqralarning erkinlikini boghush bilen birlikte az sanliq milletlerning heq-hoquqlirini qattiq depsende qiliwatqanliqini eskertken.

Kishilik hoquqni közitish teshkilati yene, xitayning Uyghurlar we tibetlerge qaritilghan kontrolini kücheytkenliki, iz-déreksiz yoqap kétish, qanunsiz qolgha élish, jazalash, türmige solash ehwallirining ilgirikidinmu köpeygenlikini bildürgen.

Fransiye agéntliqining xewer qilishiche, xitay tashqi ishlar ministirliqining bayanchisi xong léy peyshenbe küni kishilik hoquq teshkilatlirining doklatlirigha reddiye bérip, xitayning kishilik hoquq weziyitide "közni qamashturghudek" derijide ilgirilesh bolghanliqini ilgiri sürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet