Kishilik hoquqni közitish teshkilati gherb ellirini diktator döletlerge yumshaq qol bolush bilen eyiblidi

Gherb elliri kishilik hoquqni depsende qiliwatqan döletlerge qarita "yumshaq qol" bolush bilen eyiblendi. Birleshme agéntliqining béryusséldin xewer qilishiche, xelq'ara kishilik hoquqni közitish teshkilati düshenbe küni élan qilghan doklatida, démokratik gherb elliri shundaqla yawropa birliki we birleshken döletler teshkilatini kishilik hoquqni depsende qiliwatqan döletler hökümetlirige yéterlik derijide bésim ishletmeslik bilen eyibligen.
Muxbirimiz irade
2011-01-24
Share

Doklatta birleshken döletler teshkilatining bash sékrétari ban kimun we yawropa birliki tashqi ishlar re'isi ketrin eshtonning ismi déktator döletlerge yumshaq qolluq qilghan lidérlar qatarida alahide tilgha élin'ghan.

Teshkilat bu xil ehwalgha herqaysi démokratik ellerning xitay bilen bolghan munasiwitini misal qilip körsetken bolup, tijariy menpe'etni aldinqi orun'gha qoyghan gherb ellirining insan heqlirini éghir depsende qiliwatqan xitay hökümitige tutqan meydanining éniq bolmighanliqi qattiq tenqid qilin'ghan.

Doklatta xitay, bilorusiye, kolombiye, kon'go, misir, hindonéziye, iran, pakistan, se'udi erebistan we yemen qatarliq döletler kishilik hoquq eng éghir depsende qiliniwatqan döletler tizimlikige kirgüzülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet