Kishilik hoquq qoghdighuchiliri teshkilati xitayni eyiblidi

Merkizi xongkongdiki “Kishilik hoquq qoghdighuchiliri” teshkilati yilliq doklatida xitayni kishilik hoquq pa'aliyetliri we pa'aliyetchilirige qaratqan bésimni ashurush bilen eyiblidi.
Muxbirimiz irade
2011.03.03

Fransiye agéntliqining xewer qilishiche, doklatta 2010-yili xitay hökümitining siyasiy bésimni ilgiriki yillardin téximu bek ashurghanliqi, shangxey yermenkisi, 4 iyun xatire küni we lyu shawbogha nobél mukapati bérilgen kün'ge oxshash sezgür künlerde saqchi organlirining kishilik hoquq pa'aliyetchilirige zerbe bérip, ularni nezerbend qilish, qanunsiz qolgha élish yaki ularni ghayib bolushqa mejburlashtek wasitilerni qollan'ghanliqini bildürdi.

Kishilik hoquq qoghdighuchiliri teshkilatining bashliqi rini shya bergen bayanatida xitayning kishilik hoquq heriketliri we pa'aliyetchilirini basturushta ishlitiwatqan wasitilirining barghanséri qebihlishiwatqanliqini ilgiri sürgen. Uning éytishiche, 2010-yili xitayda kishilik hoquq aktiplirini qolgha élish weqesi 3544 adem qétimgha yetken. 36 Kishi “Ghayib” qiliwétilgen.

Merkizi xongkongda turushluq teshkilat doklatining axirida xitayni birleshken döletler teshkilatining kishilik hoquq xitabnamisige hörmet qilip, kishiler üstidiki bésimni azaytip, türmilerde yétiwatqan siyasiy mehbuslarni azad qilishqa we kishilik hoquq aktiplirigha zerbe bérishni toxtitishqa chaqirdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.