Клинтон ханим америка - хитай истратегийә, иқтисад диалоги һарписида хитайға йетип кәлди

У, шәнбә күни шаңхәй дуня йәрмәнкисини зиярәт қилип, йәкшәнбә күни бейҗиңға бариду. Клинтон ханим келәр дүшәнбә күни америка малийә министири тимути гейтнер билән биргә америка сөһбәт өмикигә рәһбәрлик қилип, америка - хитай истиратегийә вә иқтисад диалогиға қатнишиду.

Хәвәрләрдә икки күнлүк диалогда сода вә хәлқ пулиниң қиммитигә алақидар мәсилиләрдин тартип, назук техника експортиғичә, иран мәсилисидин тартип интернет әркинликигичә болған кәң даирилик темиларниң музакирә қилинидиғанлиқини билдүрмәктә.

Америка сода министири лу җяхуй бу қетимқи сөһбәткә қатнишидиған америка әмәлдарлириниң биридур. У, америка ширкәтлириниң хитайда йәкләшкә учраватқанлиқини, чәткә қеқиливатқанлиқини агаһландуруп, диалогда хитай базириға кириш вә мәбләғ селиштики тосалғуни оттуриға қойидиғанлиқини билдүргән.