Шимали корийә б д т ниң җазалишға атом попозиси билән җавап қайтурди

Шимали корийә бүгүн бирләшкән дөләтләр тәшкилатиниң җазалаш қарариға атом попозиси билән җавап қайтурди. Бирләшмә агентлиқиниң баян қилишичә, шимали корийә бүгүн 'америка башчилиқида қилинған һәр қандақ муһасирини, пинйоң уруш һәрикити дәп һесаблайду' дәп җакарлиди вә йәнә, аләм бошлуқиға сүни һәмра чиқиридиған башқурулидиған бомба синиқи дегән нам астида, җәнубий корийини нишанлап атом бомбисини теңишқа болудиған башқурулидиған бомба синақ қилди.
Мухбиримиз вәли
2009-06-13
Share

Шимали корийиниң баянатида йәнә, өзлири тавлап чиққан плутонюмни һәрбий қоралларға ишлитидиғанлиқини әскәртти. Учурларға қариғанда, шимали корийә һазир тавлап болған плутонюм 6дин 8гичә ядро бомбиси ишләп чиқишқа йетидикән.

Шимали корийә 5 ‏ - айниң 25 ‏ - күни ядро синиқи елип барғандин кейин, бирләшкән дөләтләр тәшкилати шимали корийиниң атом қораллири пиланини чәкләш үчүн, җаза қоллиниш һәққидә музакирә башлап, түнүгүн (җүмә күни) шимали корийиниң һәрбий қоралларни тошуш йоллирини нәзәрбәнт қилиш, қорал икиспорт қилишни чәкләш, деңиз яки һава йоллири арқилиқ елип барған гуманлиқ һәрбий һәрикәтлирини тосаш вә башқа мунасивәтлик иқтисадий җаза қоллунуш һәққидә 1874 номурлуқ қарар мақуллиған иди.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт