كورىيە يېرىم ئارىلىدا ۋەزىيەت جىددىيلەشمەكتە

بۇ يىل 3 - ئاينىڭ 26 - كۈنىدە جەنۇبىي كورىيىگە تەۋە ھەربىي پاراخوت چۆكۈپ كېتىپ، 46 دېڭىز ئەسكىرىنىڭ ئۆلۈمىگە سەۋەب بولغان ۋەقەنى شىمالىي كورىيە سۇ ئاستى بومبىسىنىڭ پەيدا قىلغانلىقى توغرىسىدىكى خەۋەر ئوتتۇرىغا چىققاندىن كېيىن، ئىككى دۆلەت ئارىسىدىكى ۋەزىيەت جىددىيلىشىپ كەتتى.
مۇخبىرىمىز ﺋﯩﺮﺍﺩﻩ
2010-05-20
Share

بىرلەشمە ئاگېنتلىقىنىڭ خەۋەر قىلىشىچە، جەنۇبىي كورىيە پرېزىدېنتى ميۇڭ باك ۋەقەگە "ياۋۇزلارچە ئېلىپ بېرىلغان قىلمىش" دەپ باھا بەرگەن ۋە شىمالىي كورىيىدىن خاتالىقىنى بوينىغا ئېلىشىنى تەلەپ قىلغان.

شىمالىي كورىيە دائىرىلىرى بولسا ئەيىبلەشنى ئاساسسىز دەپ رەت قىلىش بىلەن بىرلىكتە يەنە، ئەگەر جەنۇبىي كورىيە بۇنىڭغا قارىتا بىر جازا تەدبىر قوللانغان تەقدىردە، شىمالىي كورىيىنىڭ ئۇرۇش بىلەن جاۋاب بېرىدىغانلىقىنى ئەسكەرتكەن.

ھەربىي پاراخوتنىڭ چۆكۈپ كېتىش سەۋەبىنى شۋېتسىيە، ئامېرىكا قاتارلىق دۆلەتلەردىن تەشكىللەنگەن مۇتەخەسسىسلەر تەكشۈرۈپ دوكلات تەييارلىغان. بۈگۈن ئامېرىكا ۋەقەگە "تاجاۋۇزچىلىق ھۇجۇمى" دەپ باھا بەردى ۋە شىمالىي كورىيىنى 1953 - يىلىدىكى كېلىشىمگە خىلاپلىق قىلىش بىلەن ئەيىبلىدى. بىرلەشكەن دۆلەتلەر تەشكىلاتى باش سېكرېتارى باك كىمۇن ۋەقەگە دائىر ئىسپاتلارنىڭ كىشىنى چۆچۈتىدىغانلىقىنى ئېيتتى.

جەنۇبىي كورىيىگە تەۋە ھەربىي پاراخوت چۆكتۈرۈۋېتىلگەن دېڭىز رايونى بىرلەشكەن دۆلەتلەر تەشكىلاتى تەرىپىدىن چېگرا دەپ بەلگىلەنگەن جاي بولۇپ، شىمالىي كورىيە بۇ چېگرىنى ئېتىراپ قىلمىغانلىقتىن 1999 - يىلىدىن بېرى ئىككى دۆلەت ئارىسىدا ئوخشاش رايوندا 3 قېتىم توقۇنۇش مەيدانغا كەلگەن ئىدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت