Koriye yérim arilida weziyet jiddiyleshmekte

Bu yil 3 - ayning 26 - künide jenubiy koriyige tewe herbiy paraxot chöküp kétip, 46 déngiz eskirining ölümige seweb bolghan weqeni shimaliy koriye su asti bombisining peyda qilghanliqi toghrisidiki xewer otturigha chiqqandin kéyin, ikki dölet arisidiki weziyet jiddiyliship ketti.
Muxbirimiz irade
2010.05.20

Birleshme agéntliqining xewer qilishiche, jenubiy koriye prézidénti myung bak weqege "yawuzlarche élip bérilghan qilmish" dep baha bergen we shimaliy koriyidin xataliqini boynigha élishini telep qilghan.

Shimaliy koriye da'iriliri bolsa eyibleshni asassiz dep ret qilish bilen birlikte yene, eger jenubiy koriye buninggha qarita bir jaza tedbir qollan'ghan teqdirde, shimaliy koriyining urush bilen jawab béridighanliqini eskertken.

Herbiy paraxotning chöküp kétish sewebini shwétsiye, amérika qatarliq döletlerdin teshkillen'gen mutexessisler tekshürüp doklat teyyarlighan. Bügün amérika weqege "tajawuzchiliq hujumi" dep baha berdi we shimaliy koriyini 1953 - yilidiki kélishimge xilapliq qilish bilen eyiblidi. Birleshken döletler teshkilati bash sékrétari bak kimun weqege da'ir ispatlarning kishini chöchütidighanliqini éytti.

Jenubiy koriyige tewe herbiy paraxot chöktürüwétilgen déngiz rayoni birleshken döletler teshkilati teripidin chégra dep belgilen'gen jay bolup, shimaliy koriye bu chégrini étirap qilmighanliqtin 1999 - yilidin béri ikki dölet arisida oxshash rayonda 3 qétim toqunush meydan'gha kelgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.