Jenubiy koriye xitay béliqchilirining koriye déngiz tewelikide qanunsiz béliq tutushini chekleydighanliqini bildürdi

Jenubiy koriye metbu'atlirining xewer qilishiche, jenubiy koriye hökümiti, koriye déngiz tewelikini qoghdaydighan déngiz saqchilirini köpeytip, xitay béliqchilirining koriye déngiz tewelikide qanunsiz béliq tutushigha cheklime qoyidighanliqini bildürgen.
Muxbirimiz méhriban
2011.12.27
Share on WhatsApp
Share on WhatsApp

Ikki hepte ilgiri jenubiy koriye déngiz tewelikide qanunsiz béliq tutuwatqan xitay béliqchiliri jenubiy koriyining déngizda wezipe ijra qiliwatqan ofétsir, saqchilirigha pichaq bilen hujum qilip, jenubiy koriye ofitsér, saqchilirining ölüsh hem yarilinish weqesini keltürgendin kéyin, koriye hökümiti hem xelqi xitaygha qattiq naraziliqini ipadiligen idi.

Jenubiy koriye da'iriliri, düshenbe küni élan qilghan bayanatida, koriye déngiz tewelikide yüz bériwatqan qanunsiz béliq tutush heriketlirige zerbe bérish üchün, koriyining yéqin arida 119 neper déngiz tewelikini qoghdash saqchisi, 324 neper déngizda wezipe ijra qilidighan alahide saqchini köpeytidighanliqini, 2014-yilghiche yéngidin 18 dane déngizda qoghlap yürüp zerbe béridighan herbiy paraxotni köpeytidighanliqini bildürgen. Koriye hökümiti yene bundin kéyin koriye déngiz saqchilirigha pewqul'adde ehwal yüz bergende, koriye déngiz tewelikide qanunsiz béliq tutush bilen shughullan'ghuchilargha qarita oq chiqirip zerbe bérish hoquqi bérilidighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.