Korla shehiride bir türküm xristi'an muxlisliri tutqun qilin'ghan

Korla shehiri üstün chachi saqchixanisi 31 - may mezkur rayon tewesidin bir türküm xristi'an muxlislirini tutqun qilghan bolup, xitaygha yardem jem'iyitining xewer qilishiche, bu nöwet tutulghan adem jem'iy 12 neperge yétidiken.
Muxbirimiz jüme
2009.06.01

Boshün torida bu heqte bérilgen xewerde körsitishiche, tutqun qilish shu jay waqti 31 - may chüshtin burun sa'et 10 - 11 ler etrapida yüz bergen.

Melum bolushiche, weqe korla shehirige qarashliq xelpi'ériq kenti üstün chachi mehelliside yüz bergen bolup, weqedin xewer tapqan bashqa xristi'an muritliri chachi saqchixanisigha bérip tutqunlarni qoyup bérishni telep qilghan.

Netijide mezkur 12 neper tutqunning 8 nepiri 1 - may etigen sa'et 3 ler etrapida quyup bérilgen bolup, bashqilar saqchixanining közitish ornida élip qélin'ghan. Nöwette bular heqqide bashqa melumat yoq.

Xitay puqralarning diniy erkinlik hoquqini izchil türde depsende qilip kéliwatqan döletlerning biri bolup, amérika xelq'ara diniy erkinliki komitéti bu yilliq diniy erkilik doklatida Uyghur élide diniy étiqad erkinlik ehwalining téximu éghirlashqanliqini ilgiri sörigen idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.